ჩინურმა ავტომწარმოებელმა Hongqi-მ, სამი დამაინტრიგებელი, ელექტრო კონცეპტი გამოაჩინა.
კომპანია მოდელებს Hongqi Yuan Universe-თან თანამშრომლობის ფარგლებში, მეტა სამყაროსთვის ქმნის. ინფორმაციას Carscoops ავრცელებს.
სამივე მათგანი ავტომწარმოებლის მიერ შემუშავებულ Super Electric Intelligent Vehicle Platform-ის არქიტექტურას ეფუძნება.
წარმოდგენილია შემდეგი კონცეპტები: Hongqi Sedan EV, Hongqi SUV EV და Hongqi E-LS.
დავიწყოთ Hongqi EV სედანით
ეს არის B კლასის ელექტრომანქანა, რომელსაც ერთი დამუხტვით 1000 კმ. გავლა შეუძლია. Hongqi აცხადებს, რომ მას 100 კმ/სთ აჩქარება სულ რაღაც 3 წამში შეეძლება.
სედანის გარეგნობა საკმაოდ ფუტურისტულია. თვალშისაცემია ლამაზად მოხრილი საქარე მინა, რომელიც სახურავის პანელს და გვერდითა ფანჯრებს იდეალურად ერწყმის.
მანქანას კაპოტზე Hongqi-ის ტრადიციული, წითელი დროშის მოტივი გასდევს.
მეორე მანქანა Hongqi EV SUV-ია
მისი დიზაინი ერთი შეხედვით Kia Telluride-ის კონცეპტს და ათი წლის წინანდელ Bentley EXP 9F SUV-ს გვაგონებს.
ამბობენ, რომ ქროსოვერი ინტელექტუალურად აქტიური ჰაერსაკიდებით არის აღჭურვილი. ასევე არის სრულამძრავი და უკანა ბორბლებით უხვევს, რაც მას მოძრაობას უადვილებს, როგორც გზაზე, ისე მის გარეთ.
და ბოლო, მაგრამ არანაკლებ მნიშვნელოვანი Hongqi E-LS
ვინაიდან სამივე კონცეფცია ჩაფიქრებულია, როგორც Hongqi Yuan-ის მეტა სამყაროს ნაწილი, ჯერჯერობით უცნობია, იხილავენ თუ არა ისინი, რეალურ მზის სინათლეს.
The post ჩინური კომპანია Hongqi მეტავერსში სამ ელექტრო კონცეპტს გაუშვებს appeared first on adjaracars.com.